Ìjọba Nàìjíríà Tún Fi Ìdí Rẹ̀ Múlẹ̀ Láti Ró Àwọn Ilé-iṣẹ́ ìÌera Tó Wà Ní Ipò Gíga Lágbára Síi

Ìjọba Nàìjíríà ti tún fi ìdúróṣinṣin rẹ̀ múlẹ̀ láti fún àwọn ilé ìlera gíga lágbára gẹ́gẹ́ bí ìpìlẹ̀ fún ìdàgbàsókè orílẹ̀-èdè yìí àti àbájáde ìlera gbogbogbòò kí ó dára síi.

Minisita fún Ìlera àti Àlàáfíà Àwùjọ, Ọ̀jọ̀gbọ́n Ali Pate, sọ èyí níbi ayẹyẹ ìṣíde ìpàdé iketalalelogorun, 113th ti Ìgbìmọ̀ Àwọn Olùdarí Ìṣègùn àti Àwọn Olùdarí Ìṣègùn ti Federal Tertiary àti Specialist Hospitals ní Ìpínlẹ̀ Sokoto.

Gẹ́gẹ́ bí ó ti sọ, àfiyèsí tuntun náà hàn nínú àwọn ìdókòwò tí ó ń bá a lọ, àtúnṣe ìlànà, àti àwọn àjọṣepọ̀ ètò tí a gbé kalẹ̀ láti tún àwọn ilé ìwosan àti àwọn ilé ìtọ́jú pàtàkì ṣe káàkiri orílẹ̀-èdè náà.

Nínú ìhìn rere tirẹ̀, Sultan, Sa’ad Abubakar, tí Olórí Agbègbè Kilgori, Dókítà Muhammad Jabbi Kilgori, ṣojú fún, yin ìgbìmọ̀ náà fún ìdúróṣinṣin wọn sí rírí i dájú pé iṣẹ́ ìtọ́jú ìlera tó gbéṣẹ́ àti tó dára ní orílẹ̀-èdè yìí.

Ó dá àwọn aláṣẹ ìbílẹ̀ lójú pé wọ́n yóò máa ṣe àtìlẹ́yìn fún àwọn ètò àti ìlànà tó ní í ṣe pẹ̀lú ìtọ́jú ìlera nígbà gbogbo fún ìpèsè iṣẹ́ tó ń dúró pẹ́.

Temitọ́pè Òbísẹ̀san