Àwọn Olùdíje fún ipò Gómìnà lábẹ́ àsìá ẹgbẹ́ Òṣèlú PDP, ACCORD Àti SDP Ti Dìbò Wọn Ní Ìpínlẹ̀ Rivers
Olùdíje fún Ipò Gómìnà lábẹ́ àsìá ẹgbẹ́ òṣèlú PDP, Siminalayi Fubura àti ìyàwó rẹ̀ di ibò wọn ní Ibùdó Keji, Wọ́ọ̀dù Karùn ún, ìlú Opobo, ìjọba ìbílẹ̀ Opobo/Nkoro, ipinle Rivers.
Ọ̀gbẹ́ni Fubura nígbà tí ó ń bá àwọn oníròyìn sọ̀rọ̀, ó sọ pé òun wòye pé òun yóò jáwé Olúborí látàrí àtìlẹ́yìn àwọn ènìyàn.
Bakanna, Olùdíje lábẹ́ àsíá ẹgbẹ́ òṣèlú Accord , Dumo Lulu-Briggs náà di ìbò tirẹ̀ ní ibùdó ìdìbò Abonnema ní Ìpínlẹ̀ Rivers.
Nígbà tí ó bá àwọn oníròyìn sọ̀rọ̀ ní kété tó di tán, ó ní òun lu àwọn àjọ INEC ni ọ̀gọ ẹnu fún ètò náà tí wọ́n jẹ kó rọrùn, Ó sọ pé inú òun dùn fún àwọn ènìyàn tí wọ́n jáde ní yanturu.
Sẹ́nétọ̀ Magnus Abe ti ẹgbẹ́ òṣèlú Social Democratic Party SDP náà di ibò tirẹ̀ ní ibùdó ìdìbò Ogoni, Ó rọ àjọ INEC láti jẹ́ kí ètò náà kẹ́sẹjárí láì sí ẹ̀rù kankan. Ó dun inú sí àwọn Olùdìbò ti wọ́n wá láti ṣe ojúṣe wọn
Leave a Reply