Ilé ìwòsàn Ìkọ́ni pàtàkì ìwà láláàfíà àwọn òṣìṣẹ́ – CMD

Eyitayọ Fauziat Oyetunji

ÌRÒYÌN ÌLERAÌRÒYÌN YÀJÓ-YÀJÓKÓKÓ INÚ ÌRÒYÌN

By Eyitayo Fauziat Oyetunji Last updated Jan 24, 2026

Ọ̀gá Àgba Adarí Ìṣòògùn, CMD, ti gbọ̀ngàn ilé ìwòsàn Ìkọ́ni ti ilé Ẹ̀kọ́ Gí́ga Fáfítì Ọbafemi Awolọwọ , OAUTHC, Ilé-Ifẹ̀, Ìpínlẹ̀ Ọ̀ṣun , Gúsù- Ilà Oòrùn, Nàìjíríà, Ọ̀jọ̀gbọ́n John Okeniyi ti ṣàlàyé pé àwọn alákòóso ti mú wìwà láláàfíà àwọn òṣìṣẹ́ lọ́kúnkúndùn kí wọ́n ó le ṣiṣé dáradára.

Okeniyi sọ eyi di mimọ nigba ti o n gba awọn ọmọ ẹgbẹ akẹkọ ile iwe giga CMS nigba kan ri lalejo, ni Ile-Ifẹ, ní ọjọ́ Ẹtì.

CMD naa wa wa sọ pe awọn akitiyan leyi ti o mọ ṣiṣatunṣe lori ipo iṣiṣẹ, igbega ati gbigboriyin fun iṣiṣẹ to tawọn yọ n lọ lọwọ labẹlẹ.

Okeniyi wa tun ṣalaye pe oun gun ori oye nigba ti laasigbo wa ninu iṣẹ wọn nipasẹ fifunni niṣẹ lọna aitọ, leyi ti o si ti latunṣe bayii.

“A ti ṣatunṣe lori iṣẹ wa, a ti ṣagbekalẹ idanwo agbega meji. Awọn oṣiṣẹ to to irinwo lo kọ alakọọkọ, ti awọn oṣiṣẹ ẹdẹgbẹrin -o -din -mẹrin-le-lọgọrin si ti gba igbega lori bi wọn ṣe ṣe daradara si, ni ọdun keji,” o sọ bayii.

O tun wa fidiẹ mulẹ pe awọn oṣiṣẹ ki nilo lati maa gba ọna ẹburu ki wọn to gba igbega, ti o si ni awọn oṣiṣẹ kekere to to ọgọrun kan gan an ti gba igbega si ipo giga.