Ààrẹ Tinubu kí Oloye Ọgá Agba Atijọ Olórí Ilé Iṣẹ́ Ọkọ̀ Reluwéè Ní Ọ̀jọ́ Orí Márùndínlọ́gọ́rùn-ún
Ààrẹ Bola Ahmed Tinubu ti kí Pa Nathaniel Okoro, Olùdarí Àgbà àti Olórí Àgbà ti Ilé Iṣẹ́ Ọkọ̀ Ojú Irin Nàìjíríà (NRC), ní ayẹyẹ ọdún márùndínlọ́gọ́rùn-ún rẹ̀.
Nínú ìránṣẹ́ ìkíni tí Agbẹnusọ Ààrẹ, Ọ̀gbẹ́ni Bayo Onanuga fi ránṣẹ́, Ààrẹ ṣàpèjúwe àwọn ipa rere Pa Okoro sí ìdàgbàsókè àwọn ètò ọkọ̀ ojú irin Nàìjíríà gẹ́gẹ́ bí ‘ohun ìyìn àti pípẹ́,’ ó sì sọ pé ìdari ìran rẹ̀ fi ìpìlẹ̀ pàtàkì lélẹ̀ fún ìgbàlódé ti ẹ̀ka ọkọ̀ ojú irin.
Ààrẹ Tinubu gbosuba ipa tí Olórí Àgbà àjọ NRC ti ṣe ní ṣíṣe ètò ọkọ̀ ojú irin ọdún mẹ́ẹ̀ẹ́dọ́gbọ̀n, èyí tí ó pèsè ìlànà fún ìfìhàn àwọn ọ̀nà ọkọ̀ ojú irin boṣewa àti àwọn ilé òde òní mìíràn nínú ètò ọkọ̀ ojú irin Nàìjíríà.
Ó tún yin Pa Okoro fún ipa rẹ̀ nínú gbígbé àti ṣíṣe ìdàgbàsókè ìrìnàjò ọkọ̀ ojú irin ní Nàìjíríà lẹ́yìn òmìnira, tí ó ń ran lọ́wọ́ láti mú ààbò, ìṣiṣẹ́, àti ìṣọ̀kan iṣẹ́ lágbára sí i ní ẹ̀ka náà.
Bí Pa Okoro ṣe ń ṣe ayẹyẹ ọjọ́ ìbí rẹ̀ ọdún márùndínlọ́gọ́rùn-ún, Ààrẹ Tinubu fi ọpẹ́ hàn fún iṣẹ́ ìsìn rẹ̀ sí orílẹ̀-èdè Nàìjíríà, ó sì gbàdúrà pé kí Ọlọ́run Olódùmarè fún ní ìlera pipe, okun àti àlàáfíà ní àwọn ọdún tó ń bọ̀.
Tèmítọ́pẹ́ Òbísẹ̀san
