Ẹgbẹ́ Ọ̀dọ́ Niger Delta Rawọ́ Ẹ̀bẹ̀ Fún Àtìlẹyìn Láti Gbógunti Àrùn Ọpọlọ

By Yusuf Olaniyi On Apr 3, 2025

Àjọ NDYC, ní Ọjọ́rún ti bèèrè fún àtìlẹyìn ìjọba àti àwọn ti ọ̀rọ̀ kàn láti gbógunti ìtànkálẹ̀ àrùn ọpọlọ ní àgbègbè náà

Ọ̀gbẹ́ni Jator Abido, tí ó jẹ́ alákòso àpapọ̀ fún àjọ NDYC ni ó pe ìpè náà níbi eré ìtagbangba tí ó wáyé ní ilé ìwé gíga Yunifásitì ti ìlú Port Harcourt, èyí tí ó ń pèpè fún àmójútó àti ìdènà fún àrùn ọpọlọ

Abido sàlàyé pé ètò ìdánilẹ́kọ̀ọ́ náà wáyé pẹ̀lú ìfọwọ́sowọ́pọ̀ láàrin Yunufásitì ti Port Harcourt, Àjọ NDDC, Àjọ Cradle ati NDYC. Ó sàpèjúwe ìgbésẹ̀ náà gẹ́gẹ́ bí èyí tí ó wáyé ní àsìkò tí ó sì se pàtàkì, èyí tí yóò ta àwọn alẹ́nulọ́rọ̀ jí láti gbógunti àìsàn àrùn ọpọlọ ní àgbègbè náà