Akọrin Ẹ̀mí Steve Crown Kéde Aya Afẹ́sọ́nà Àti Ọjọ́ Ìgbéyàwó Rẹ̀
Gbajúmọ̀ akọrin ẹ̀mí Nàìjíríà, Steve Crown ti kéde ìròyìn ayọ̀ fáráyé gbõ pé òun ti ri ìyàwó, Ruth Thomas.
Àwọn méjèèjì ti wọn ti jọ ń ṣe ọ̀rẹ́ tẹ́lẹ̀ fún ìgbà díẹ kan ti wá kéde ọjó kẹrìndínlọ́gbọ̀n oṣù kẹrin , ọdún 2025 gẹ́gẹ́bí ọjọ́ ìgbéyàwó wọn.
Steve crown fi léde lórí ẹ̀rọ ayélujára Instagram níbi tó ti ṣe àfihàn fídíò ètò Igbeyawo rẹ̀ tó ń bọ̀ lọ́nà.
” Olúwa fi àṣẹ sí i, a o jọ wà títí láyé”, ó kọọ́ báyìí – #CrowningRuth2025. 26th APRIL 2025.”
Eléyìí ti jẹ ìròyìn ayọ fún ọ̀pọ̀lọpọ̀ àwọn olólùfẹ́ rẹ̀ pàápàá jù lẹ́ka orin ti ẹ̀mí bíi;
Judikay, Eben, Yadah, Okopi Peterson, Joe Praize, àti Ada Ehi, gbogbo wọ́n sì ti rán iṣẹ́ ayọ̀ síi kí Ọlọ́run mú ọjọ́ ró.
Tèmítọ́pẹ́ Òbísẹ̀san
