Ẹ Fọkàn Balẹ̀ : Kòsí Àrùn Ìgbàlódé Covid-19 Variant Ní Orílẹ̀-èdè Nàìjíríà: Ìjoba Àpapọ̀ Sọ̀rọ̀ Pẹ̀lú Àrídájú

ÌRÒYÌN ÌLERAÌRÒYÌN ORÍLẸ̀-ÈDÈ NÀÍJIRÍÀKÓKÓ INÚ ÌRÒYÌN

By Yusuf Olaniyi On Dec 8, 2024

Ẹka Ìjọba Àpapọ̀ tí ó ń rí sí ètò ìlera ti fi ọmọ Orílẹ̀-èdè Naijiria lọ́kàn balẹ̀ pẹ̀lú àrídájú wípé àrùn Covid-19 tí ó wà ní apákan àwọn Orílẹ̀-èdè àgbáyé kò sí ní Orílẹ̀-èdè Naijiria. Ìjọba pè fún ìmọ́tótó àti ìtẹ̀lé àlàkalẹ̀ ìjọba lórí ètò ìlera

Nínú ọ̀rọ̀ kan tí Alaba Balogun tí ó jẹ́ igbákejì alákòsóo ìfọ̀rọ̀léde àjọ náà sọ, ó sàpèjúwe ọ̀rọ̀ tí ó ń jà káàkiri wípé àrùn náà wà ní Orílẹ̀-èdè Naijiria gẹ́gẹ́ bíi aásà tih kò ní kán-ún, ọ̀rọ̀ òfegé, èyí tí kò fìdí múlẹ̀

Àlàyé náà wáyé látàrí ìwé àtẹ̀jíṣẹ́ kan tí ó jáde ní ọjọ́ karùn-ún osù kejìlá ọdún 2024 èyí tí ó ti dá wàhálà sílẹ̀ láàrin àwùjọ nípa wípé kí olórí di orí rẹ̀ mú, idà ń jò bèlè-bèlè

Ìròyìn fi yéwa pé àrùn náà ti wà ní Orílẹ̀-èdè Australia, èyí tí ó sì ti tàn ká dé Orílẹ̀-èdè àgbáyé mọ́kàndínlọ́gbọ̀n míràn. Látàrí ìdí èyí, ìjọba àpapọ̀ ti n gbaradi ni gbogbo ọna lati dènà àrùn náà.