Karim Benzema fi Real Madrid sílẹ̀ lẹ́yìn ọdún mẹ́rìnlá

Eyitayọ Fauziat Oyetunji

ÌRÒYÌN ÌDÁRAYÀÌRÒYÌN YÀJÓ-YÀJÓKÓKÓ INÚ ÌRÒYÌN

By Eyitayo Fauziat Oyetunji On Jun 4, 2023

Lẹ́yìn ọdún mẹ́rìnlá ní Real Madrid, Agbàmì ẹ̀yẹ Ballon d’Or Karim Benzema, yóò fi ilé-iṣẹ́ agbábọ́ọ̀lù Spain sílẹ̀ gẹ́gẹ́ bí olómìnira níparí sáà yìí, ilé iṣẹ́ agbábọ́ọ̀lù LaLiga kéde ní ọjọ́ Àìkú, tí agbábọ́ọ̀lù náà sì ń lọsí ilé-iṣé agbábọ́ọ̀lù Al Ittihad, ní Saudi Arabia.

Benzema, ọmọ ọdún márùndín-lógójì, darapọ̀ mọ́ Real Madrid ní ọdún 2009 lati Olympique Lyonnais. Ọmọ Faransé náà di alátakò kan ṣoso fún iĺe iṣẹ́ agbábọ́ọ́lù náà àti ẹni pàtàkì tí ó ń ju bọ́ọ̀lù sáwọ̀n, nígbà tí Cristiano Ronaldo lọ sí Juventus ní ọdún 2018. Benzema ju bọ́ọ́lù tó ju ọ́ta-dín-lẹ́ẹ́wàá- lélọ́ọ̀dúnrún lọ sáwọ̀n nígbà tí ó wà ní Real Madrid, tí ó sì jẹ́ ẹni tó ṣepò kejì nínú jíju bọ́ọ́lù sáwọ̀n nígbogbo ìgbà lẹ́yìn Ronaldo.

Ìròyin sọ pé ọmọ Faransé náà ti ṣe àdéhùn ọlọ́dún méjì pẹ̀lú Al Ittihad. Benzema fẹ́ dúró si Real fún ọdún kan si ,ṣùgbọ́n ó tún ro ọjọ́ iwájú. Ó fojú fo ìfàsíwájú àdéhùn ọdún kan rẹ̀ pẹ̀lú Real Madrid ,tí ó sì sọ pé òun ti “ní láti gbé ìgbésẹ̀ fún ọjọ́ iwájú òun”.

Karim Benzema fi Real Madrid sílẹ̀ lẹ́yìn ọdún mẹ́rìnlá

Karim Benzema fi Real Madrid sílẹ̀ lẹ́yìn ọdún mẹ́rìnlá

Eyitayọ Fauziat Oyetunji

One response to “Karim Benzema fi Real Madrid sílẹ̀ lẹ́yìn ọdún mẹ́rìnlá”

Leave a Reply