Italy:Ọjọ́ burúkú èṣù gbomi mu

Eyitayọ Fauziat Oyetunji

ÌRÒYÌN ÀGBÁYÉÌRÒYÌN YÀJÓ-YÀJÓKÓKÓ INÚ ÌRÒYÌN

By Eyitayo Fauziat Oyetunji On Oct 28, 2022

Ènìyàn mẹ́rin ló ti fara gbọgbẹ́ tí ẹnìkan sì pàdánù ẹ̀mí rẹ̀ níbi ìgúnbẹ tó ṣẹlẹ̀ ní ilé-ìtajà kan ní orílẹ̀-èdè Italy.

Ìròyìn sọ pé ìjàm̀bá náà ṣẹlẹ̀ ní ìrọ̀lẹ́ ọjọ́bọ̀, ní ilé-ìtajà Carrefour, ní gbàgede ìtajà kan ní Milan.

Ẹni tí ó ń gbowó ọjà lọ́wọ́ àwọn alábàárà,tí ó jẹ́ ọmọ ọgbọ̀n ọdún pàdánù ẹ̀mí rẹ̀ nígbà tí arákùnrin kan kojú àwọn ènìyàn ní Assago.

Lára àwọn tí ó farapa ni, Pablo Mari,ọmọ ẹgbẹ́ agbábọ́ọ́lù Arsenal, tí ó yá síta fún Monza, ní orílẹ̀-èdè Italy.

Olùfura si tí ó jẹ́ ọmọ ọdún mẹ́rìndín-láàdọ́ta, ti wà ní àtìmọ́lé báyìí.Àwọn agbófinró ti fìdí rẹ̀ múlẹ̀ pé, ìṣẹ̀lẹ̀ náà kò wá látọ̀dọ̀ àwọn oní jàgídíjàgan.

Ìròyìn sọ pé olùfurasí náà jẹ́ ẹni tí ó ní ààrùn ọpọlọ.

Wọ́n ní ó kàn bẹ̀rẹ̀ sí ní máa gún àwọn ènìyàn lọ́bẹ káàkiri ni,ní déédé agogo mẹ́rin ààbọ̀,ní Carrefour,ní ilé-ìtajà àdúgbò kan.

Italy:Ọjọ́ burúkú èṣù gbomi mu

Italy:Ọjọ́ burúkú èṣù gbomi mu

Eyitayọ Fauziat Oyetunji

Leave a Reply