Ilé Ẹjọ́ Kòtẹ́milọ́rùn Dá Olórí Ajàjàgbara Biafra Sílẹ̀

ÌRÒYÌN ORÍLẸ̀-ÈDÈ NÀÍJIRÍÀKÓKÓ INÚ ÌRÒYÌNÓ GBÓNÁ FẸLI-FẸLI

By Yusuf Olaniyi On Oct 13, 2022

Ilé ẹjọ́ kòtẹ́milọ́rùn tí ó wà ní ìlú Abuja ti fa igi lé ẹ̀sùn ìwà adàlúrú tí ìjọba àpapọ̀ fi kan olórí ajàjàgbara fún ìdásílẹ̀ orílẹ̀ èdè Biafra. Eléyìí tí ó wáyé ní ọjọ́bọ̀. Ilé ẹjọ́ náà dá a sílẹ̀ ní ẹni tí kò mọ ọwọ́ mọ ẹsẹ̀ níbi ẹ̀sùn méje tí wọ́n fi kàn-án.

Ilé ẹjọ́ fi léde pé, ìjọba àpapọ̀ ń tẹ̀ òfin lójú mọ́lẹ̀ nígbà tí wọ́n fi tipá-tipá dá ọ̀gbẹ́ni Kanu padà sí ilẹ̀ Nàìjíríà láti orílẹ̀ èdè Kenya.

Ó tún fi ìdí ìdájọ́ rẹ̀ múlẹ̀ pé, orílẹ̀ èdè Nàìjíríà wà lára orílẹ̀ èdè adúláwọ̀ tí ó fi ọwọ́ sí ìwé òfin ní ọjọ́ kejìdílọ́gbọ̀n osù kẹfà ọdún 2022 léyìí tí ó tako irúfẹ́ ìgbésẹ̀ tí orílẹ̀ èdè Nàìjíríà gbé láti dá ọ̀gbẹ́ni Kanu padà .

Ilé Ẹjọ́ Kòtẹ́milọ́rùn Dá Olórí Ajàjàgbara Biafra Sílẹ̀

Leave a Reply