Àpérò ilé iṣẹ́ VON Ọdún 2026 Fi Àfiyèsí sí Ìṣàkóso ìjọba Awarawa Tí Orílẹ̀-èdè Nàìjíríà ní ECOWAS.
Ohùn Orílẹ̀-èdè Nàìjíríà (VON), pẹ̀lú àjọpín pẹ̀lú Ilé Iṣẹ́ Ìròyìn Àpapọ̀ àti Ìtọ́sọ́nà Orílẹ̀-èdè Nàìjíríà àti àwọn olùníláárí pàtàkì mìíràn, yóò pe àwọn olùṣètò ìlànà, àwọn aṣojú, àwọn onímọ̀ nípa ìròyìn, àti àwọn ògbógi ìdàgbàsókè ní Àpérò VON 2026.
Àpérò náà yóò ṣe àyẹ̀wò àwọn àfikún tí Orílẹ-èdè Nàìjíríà ń ṣe sí ìṣàkóso tiwantiwa àti ìdúróṣinṣin agbègbè ní Ìwọ̀ Oòrùn Áfíríkà.
Mínísítà fún Ìròyìn àti Ìtọ́sọ́nà Orílẹ̀-èdè Nàìjíríà, Mohammed Idris ni Olùgbàlejò Àgbà, nígbà tí Olùdarí Àgbà/Olórí Àgbà ti VON, Jibrin Baba Ndace ni olùgbàlejò.
Alága Àpérò náà ni Olórí Orílẹ̀-èdè Nàìjíríà tẹ́lẹ̀ rí, Yakubu Gowon, nígbà tí Àlejò Pàtàkì ti Ọ̀lá ni Igbákejì Ààrẹ Ilé Ìgbìmọ̀ Aṣòfin, Barau Jibrin.
Àwọn àjọ alábáṣiṣẹpọ̀ fún àpérò náà ni; Aláṣẹ Tẹlifíṣọ̀n Nàìjíríà (NTA), Ilé Iṣẹ́ Ìròyìn Nàìjíríà (NAN), Ilé Iṣẹ́ Rédíò Nàìjíríà (FRCN), Ilé Iṣẹ́ Ìròyìn Nàìjíríà (NBC), Ìgbìmọ̀ Ìṣàkóso Ìpolówó Nàìjíríà (ARCON), Ilé Iṣẹ́ Ìtọ́sọ́nà Nàìjíríà (NOA), àti Ìgbìmọ̀ Àwọn Oníròyìn Nàìjíríà (NPC).
A retí wí pé àpérò VON 2026 yóò mú àwọn àbá tó ṣeé ṣe jáde tí yóò mú kí ipa olórí Orílẹ̀-èdè Nàìjíríà lágbára síi láàárín ECOWAS àti láti ṣe atìlẹ́yìn fún àwọn ìsapá tí ń lọ lọ́wọ́ láti fìdí ìjọba tiwantiwa, àlàáfíà, àti ìdúróṣinṣin múlẹ̀ ní gbogbo agbègbè náà.
