Ẹgbẹ́ Òsèlú APC Se Ìpolongo Ìtanijí Ní Ìpínlẹ̀ Ebonyi

By Yusuf Olaniyi On Mar 26, 2025

Ẹgbẹ́ Òsèlú APC ti bẹ̀rẹ̀ ìwọlé ní ojúlé sí ojúlé láti ta àwọn alátìlẹyìn, ọmọ ẹgbẹ́ náà jí jákè-jádò ìjọba ìbílẹ̀ mẹ́tàlá tí ó wà ní Ìpínlẹ̀ Ebonyi

Alága ẹgbẹ́ náà ti Ìpínlẹ̀ Ebonyi, Stanley Okoroemegha ni ó síṣọ lójú ọ̀rọ̀ náà nígbà tí ó ń bá àwọn akọ̀ròyìn sọ̀rọ̀ ní ọ́ọ́fìsì ẹgbẹ́ náà, èyí tí ó wà ní Abakaliki, olú ìlú Ìpínlẹ̀ náà

Emegha salaye pé ìtanijí náà se pàtàkì nítorí pé lẹ́yìn ìpolongo ìdìbò tí ó kọjá, ẹgbẹ́ náà kò ì tí ì se àbẹ̀wò sí àwọn alátìlẹyìn rẹ̀ ní ibùgbé wọn

Ó wá lo ànfààní náà láti se àfọ̀mọ̀ awuyewuye tí ó ń lọ wípé wàhálà wà láàrin gómìnà Ìpínlẹ̀ Ebonyi, Francis Nwifuru ati Mínísítà Fún Àkànṣe Iṣẹ́, David Umahi