UNICEF, Standard Charted Yóò Wá’ṣẹ Fún Àwon Ọmọ Obìnrin Ẹgbẹ̀rún Kan Àbọ̀
Standard Chartered Foundation àti Àjọ UNICEF’s Generation Unlimited (UNICEF GenU) ti kéde àjọṣepọ̀ láti ran àwọn obìnrin ẹgbẹ̀rún-kan-àbọ̀ ọ̀dọ́ lọ́wọ́ láti rí iṣẹ́ tó dára ní Kenya àti Nàìjíríà.
Ajọṣepọ ọdún mẹ́ta náà yóò dojúkọ àwọn obìnrin tí ọjọ́ orí wọn wà láàárín ọdún méjìdínlógún sí mẹ́rìnlélógún láti àwọn ìdílé tí kò ní agbára púpọ̀, yóò sì ṣe àtìlẹ́yìn fún ètò ìṣiṣẹ́ UNICEF GenU tó ń gbòòrò sí i ti àwọn alábàáṣiṣẹpọ̀ àgbáyé àti ti agbègbè, èyí tó jẹ́ ọ̀nà ìjọba-àdáni tó ti ṣe sí ìlọsíwájú pàtàkì jùlọ nínú ìdánilẹ́kọ̀ọ́ ọgbọ́n fún àwọn ọ̀dọ́.
Oníròyìn Ìbánisọ̀rọ̀ ti UNICEF, Susan Akila nínú gbólóhùn kan sọ pé àjọṣepọ̀ náà dá lórí iṣẹ́ àṣeyọrí yìí nípa yíyan àwọn olùkópa láti inú àwọn tálẹ́ǹtì tó tí wà nílẹ̀ tẹ́lẹ̀ nípasẹ̀ àwọn ètò ìdánilẹ́kọ̀ọ́ ọgbọ́n ti UNICEF GenU tí gbé kalẹ̀, ní ṣíṣe àtìlẹ́yìn pàtàkì láti ran àwọn ọ̀dọ́bìnrin lọ́wọ́ láti rí ìgbésí ayé wọn lo dáadáa.
