Olùkọ́ni Sami Trabelsi Fí Tunisia Sílẹ̀ Lẹ́yìn Tó Pàdánù Nínú Ìdíje AFCON

Olùkọ́ni àgbà Tunisia Sami Trabelsi tí fí ipò rẹ̀ sílẹ̀ lẹ́yìn tí wọ́n yọ ẹgbẹ́ náà kúrò nínú ìdíje African Cup of Nations ní ìpele Round of 16, gẹ́gẹ́ bí àjọ bọ́ọ̀lù orílẹ̀-èdè náà ṣe fìdí rẹ̀ múlẹ̀.
‎
‎Nínú ìròyìn kan lórí facebook, àjọ náà sọ pé wọ́n ti gbà láti dá Trabelsi àti gbogbo àwọn òṣìṣẹ́ rẹ̀ dúró.
‎
‎ Ìpinnu náà tẹ̀lé ìjákulẹ̀ Tunisia sí Mali ní ọjọ́ Àbámẹ́ta. Ìdíje náà parí pẹ̀lú 1–1 lẹ́yìn àkókò àfikún, kí Mali tó borí pẹ̀lú agbábọ́ọ̀lù mẹ́wàá pẹ̀lú àmì ayo 3–2 ní àbala ẹniba laya.
‎
‎Trabelsi, ẹni ọdún mẹ́tàdínlọ́gọ́ta (57), ni wọ́n gbà ní oṣù Kejì fún ìgbà kejì ní ipò olórí, lẹ́yìn tó ti kọ́ Tunisia tẹ́lẹ̀ láàrín ọdún 2011 àti 2013.
‎
‎Ìjákulẹ̀ rẹ̀ mú òpin dé bá àkókò ìkẹyìn rẹ̀ bí ‘Carthage Eagles’ ṣe ń fẹ́ láti tún kópa lẹ́yìn ìpolongo AFCON mìíràn tí ó bani nínú jẹ́.