Ariwo Ayọ̀: Àjọ Ọlọ́pàá Gba Ìtúsílẹ̀ Ènìyàn Mẹ́tàdínlógún Tí Ó Wà Ní Ìgbèkùn Àwọn Ajínigbé

ÌRÒYÌN ORÍLẸ̀-ÈDÈ NÀÍJIRÍÀKÓKÓ INÚ ÌRÒYÌN

By Yusuf Olaniyi On Apr 11, 2025

Àjọ Ọlọ́pàá Ẹka ti Ìpínlẹ̀ Kaduna pẹ̀lú ìrànlọ́wọ́ Ọ́ọ́fìsì àpapọ̀ ti olùbádámọ̀ràn lórí Ètò Àbò ti gba ìtúsílẹ̀ ènìyàn mẹtádínlógún tí ó wà ní ìgbèkùn àwọn ajínigbé, èyí tí wọ́n ti wà ní àhámọ́ láti ọjọ́ kẹta, osù kẹta, ọdún 2025, ní àgbègbè Sarkin Pawa, Ìpínlẹ̀ Niger

Agbẹnusọ àjọ náà, Muyiwa Adejọbi ni ó síṣọ lójú ọ̀rọ̀ náà nígbà tí ó ń bá àwọn akọ̀ròyìn sọ̀rọ̀ ní ọ́ọ́fìsì àpapọ̀ Àjọ Ọlọ́pàá, ní ìlú Abuja

Adejobi sọ pé àjọ náà ti ní àseyọrí ńlá látàrí ìgbìyànjú àti ìlàkààkà rẹ̀ láti dóòlà ẹ̀mí ará ìlú èyí tí ó wáyé láìpẹ́ ní ìlú Kaduna. Àtipé ìwádìí ń tẹ̀síwájú láti rí i dájú pé gbogbo àwọn tí ó lọ́wọ́ nínú iṣẹ́ láabi náà ní yóò fi imú kó ata òfin