Ààrẹ Orílẹ̀-èdè Nàìjíríà Tẹ́lẹ̀rí Olusẹgun Ọbasanjọ Se Ayẹyẹ Ọjọ́ Ìbí Ọdún Méjìdínláàdọ́ọ̀rún, Gọngọ Sọ

ÌRÒYÌN ÌDÁNILÁRAYÁKÓKÓ INÚ ÌRÒYÌN

By Yusuf Olaniyi On Mar 6, 2025

Ààrẹ Orílẹ̀-èdè tẹ́lẹ̀rí, Olusẹgun Ọbasanjọ ti ké sí àwọn ọmọ Naijiria, papàá jùlọ àwọn ọ̀dọ́ láti ko ipa tí ó làmì-laaka èyí tí yóò mú Orílẹ̀-èdè Nàìjíríà dé ilẹ̀ ìlérí

Ọbasanjọ pàrọwà sí àwọn ọmọ Nàìjíríà láti fi ọwọ́ sowópọ̀ fún ìsọ̀kan, ìdàgbàsókè àti ìtẹ̀síwájú Orílẹ̀-èdè wa

Ó sọ ọ̀rọ̀ náà ní ìlú Abeokuta, Ìpínlẹ̀ Ògùn nígbà tí ó ń dúpẹ́ lọ́wọ́ àwọn ènìyàn fún àyẹ́sí, àpọ́nlé tí wọ́n fún-un níbi ayẹyẹ ọjọ́ ìbí ọdún kejìdínláàdọ́ọ̀rún èyí tí ó wáyé ní ilé Ìkàwé Olusẹgun Ọbasanjọ ní ìlú Abẹokuta

Ó tẹ̀síwájú nínú ọ̀rọ̀ rẹ̀ lásìkò ayẹyẹ náà èyí tí àwọn ọ̀tọ̀ǹkùlú ìlú, alẹ́nulọ́rọ̀, Ọba Alayé, àwọn Gomina ati awọn Aarẹ tẹlẹri peju si, ó sàfirinlẹ̀ àrídájú pé ọjọ́ iwájú Orílẹ̀-èdè Nàìjíríà yóò dára, bí ó tilẹ̀ jẹ́ pé ó ń kojú ọlọ́kan-ò-jọ̀kan ìpèníjà lásìkò tí a wà yìí