Erin Wó, Àjànàkú Sùn Bí Òkè, Edwin Clark Dágbére Fáyé, Adarí Ilé Ìgbìmọ̀ Asòfin Sèdárò Lẹ́yìn Akọni

By Yusuf Olaniyi On Feb 19, 2025

Adarí Ilé Ìgbìmọ̀ Asòfin, Ọ̀gbẹ́ni Abbas Tajudeen àti igbákejì rẹ̀ Benjamin Kalu ti sèdárò lẹ́yìn olóògbé, olóyè Edwin Kiagbodo Clark, wọ́n sàpèjúwe rẹ̀ gẹ́gẹ́ bí asíwájú rere tí ó fi gbogbo ara jì fún ìdàgbàsókè àgbègbè Niger Delta

Abbas sàlàyé pé lẹ́yìn ìgbà tí olóògbé Edwin Clark fẹ̀yìntì lẹ́nu iṣẹ́ ìjọba àti nínú òsèlú, kò kùnà nínú síṣe àtìlẹyìn rẹ̀ fún àgbègbè Niger Delta ti ìdàgbàsókè àgbègbè náà sì jẹ ẹ́ lógún

Ó fi ẹ̀dùn ọkàn hàn bí ikú olóògbé Edwin Clark se wáyé ní kòpẹ́ tí ojúgbà rẹ̀ tí ó jẹ́ adarí ẹgbẹ́ ìdàgbàsókè ọmọ Yorùbá, olóyè Ayọ Adebanjọ náà dágbére fáyé, èyí tí ó sàfihàn bí àwọn àgbààgbà se ń tán lórílẹ̀

Adarí Ilé Asòfin wa kẹ́dùn pẹ̀lú ìjọba ìpínlẹ̀ Delta, àwọn ènìyàn àgbègbè Niger Delta àti Orílẹ̀-èdè Nàìjíríà lápapọ̀, ó wá gbàdúrà kí Ọlọ́run tẹ́ Edwin Clark si afẹ́fẹ́ rere