Gómìnà Ìpínlẹ̀ Borno Darí Ìpàdé Àpérò, Ó Buwọ́lu Síṣe Àkànse Iṣẹ́

ÌRÒYÌN ORÍLẸ̀-ÈDÈ NÀÍJIRÍÀÌRÒYÌN ÒSÈLÚ

By Yusuf Olaniyi On Jan 7, 2025

Gómìnà Babagana Umara Zulum darí ìpàdé àpérò àkọ́kọ́ fún ọdún 2025 níbi tí ó ti sàgbéyẹ̀wò àwọn àseyorí tí ó wáyé ní ọdún 2024, Ó sì buwọ́lu àwọn iṣẹ́ àkànse tí wọn yóò dáwọ́lé

Níbi àpérò náà, gbogbo àwọn tí ọ̀rọ̀ kàn ni ó péjú-pésẹ̀ níbi tí a ti rí òǹkà ènìyàn mọ́kànlélógójì, tí wọn jíròrò, wọ́n sì ní ìfẹnukò

Ìpàdé naa dá lórí ìsàgbéyẹ̀wò àwọn àseyọrí tí ó ti wáyé, fífi ìpìlẹ̀ ìdàgbàsókè aláìlẹ́gbẹ́ lọ́lẹ̀ fún ti ọdún 2025. Lára ìfẹnukò ìpàdé àpérò náà nì wọ̀nyí: mímú ìyípadà bá orukọ Yunifasiti Ipinlẹ Borno ti yóò máa jẹ́ Kashim Ibrahim Yunifasiti, yíyan àwọn kọmísọ́nà ẹka ìjọba, fífún òpópónà lórúkọ, sísọ òpópónà Pápákọ̀ òfurufú Muhammadu Buhari di oníbejì àti bẹ́ẹ̀ bẹ́ẹ̀ lọ