Àjọ Ọmọ Ogun Ń Siṣẹ́ Takuntakun Láti Dáàbò Bo Ẹ̀mí Àti Dúkìá Ní Orílẹ̀-èdè Nàìjíríà- Ààrẹ Tinubu Fi Ọwọ́ Sọ̀yà

ÌRÒYÌN ORÍLẸ̀-ÈDÈ NÀÍJIRÍÀKÓKÓ INÚ ÌRÒYÌN

By Yusuf Olaniyi On Dec 24, 2024

Ààrẹ Orílẹ̀-èdè Nàìjíríà, Bọla Ahmed Tinubu ti gbósùbà fún àjọ Ọmọ Ogun Orílẹ̀-èdè Naijiria fún iṣẹ́ takuntakun tí wọ́n n se, èyí tí ó wà ní ìbámu pẹ̀lú èròńgbà ìsèjọba Ààrẹ Tinubu láti rí i dájú pé ààbò wà fún ẹ̀mí àti dúkìá ará ìlú

Ààrẹ sọ ọ̀rọ̀ náà nígbà tí ó ń bá àwọn akọ̀ròyìn sọ̀rọ̀ ní ọjọ́ Ajé, ó sàfihàn ìlàkààkà ìsèjoba rẹ̀ láti rí i dájú pé ààbò tí ó péye wà, àtipé wàhálà àìrajaja ààbò ti ń kásẹ̀ nílẹ̀

Ààrẹ sàfihàn ìgbáradì ìjoba rẹ̀ láti pèsè àwọn ohun èlò ìjakun ìgbàlódé èyí tí ó ti mú kí àseyorí ńlá wáyé tí àwọn ọmọ ogun sì ń se àwọn alákatakítí báṣubàṣu ní ojoojúmọ́

Ó wá pàrọwà sí àjọ ọmọ ogun láti tẹ̀síwájú nínú akitiyan wọn èyí tí ó ti mú kih àlàáfíà jọba ní ọ̀pọ̀lọpọ̀ àyè ní Orílẹ̀-èdè Naijiria.