Ìjọba Ìpínlẹ̀ Kogi Mú Àdíkù Bá Ìgbòkè-gbodò Ọkọ̀ Látàrí Ètò Ìdìbò Ọjọ́ Àbámẹ́ta

By Yusuf Olaniyi On Oct 18, 2024

Ìjọba Ìpínlẹ̀ Kogi ti se ìfiléde èyí tí kò fi àyègba ìgbòkè-gbodò ọkọ̀ laàrin agogo méje òwúrọ̀ sí agogo mẹ́rin ìrọ̀lẹ́ ọjọ́ Àbámẹ́ta

Ọ̀gbẹ́ni Kingsley Fanwo tí ó jẹ́ kọmísọ́nà fún ìfọ̀rọ̀léde ni ó so ọ̀rọ̀ náà ní ọjọ́ Ẹtì, ní ìlú Lọkọja, lójúnà àti se ètò ìdìbò ìjọba ìbílẹ̀ tí kò ní ẹja-n-bákàn nínú ní ìpínlẹ̀ Kogi

Kọmísọ́nà pàrọwà sí àwọn ọmọ ìpínlẹ̀ náà láti jáde lọ́pọ̀ yanturu fun ìkópa nínú ètò ìdìbò ìjọba ìbílẹ̀ láti yan àwọn asojú wọn. Ó wá fi àrídájú léde wípé ìjọba yóò pèsè ààbò tí ó péye fún ìkẹ́sẹjárí ètò ìdìbò náà