Wọ́n Ti Fi Ẹ̀sùn Ìpànìyàn Kan Olórí Ẹgbẹ́ Òkùnkùn Ní Orílẹ̀-èdè Kenya Látàrí Sísekúpa Àwọn Ọmọdé Tí Ó Dín Díẹ̀ Ní Igba

ÌRÒYÌN ILẸ̀ ÀFÍRÍKÀKÓKÓ INÚ ÌRÒYÌN

By Yusuf Olaniyi On Jan 18, 2024

Adájọ́ ti pàṣẹ kí olórí ẹgbẹ́ òkùnkùn ní Orílẹ̀-èdè Kenya, Paul Mackenzie àti àwọn ọgbọ̀n míràn lọ se àyẹ̀wò ọpọlọ síwájú kí wọ́n tó kojú ẹ̀sùn ìpànìyàn níbi tí wọ́n ti sekúpa àwọn ọmọdé tí ó dín díẹ̀ ní igba, èyí tí wọ́n hú òkú wọn jáde nínú osù kẹrin ọdún tí ó kọjá nínú igbó ńlá Shakahola

Ìròyìn fi yéwa pé, Mackenzie tí ó jẹ́ olórí ilé ìjọsìn (Good News Church) ni ó pàṣẹ kí àwọn olùjọsìn fi oúnjẹ sílẹ̀ , kí wọ́n sì má mu títí ẹ̀mí yóò fi bọ́ lọ́rùn wọn, kí wọ́n le è jogún iyè àìnípẹ̀kun.

Ó lé ní irinwó òkú ènìyàn tí wọ́n hú jáde nínú igbó, èyí tí ó jẹ́ ohun ìbànújẹ́ tí ó sì pọ̀ jùlọ ní àgbáyé nínú iṣẹ́ láabi àwọn ẹlẹ́gbẹ́ òkùnkùn