Dan-dan Ni Kí Owó Ìrànwọ́ Ìjọba Àpapọ̀ Kárí -Ilé, Kárí-Oko- Báńkì Àpapọ̀ Àgbáyé

ÌRÒYÌN ÌDÓKOÒWÒÌRÒYÌN ORÍLẸ̀-ÈDÈ NÀÍJIRÍÀ

By Yusuf Olaniyi On Dec 19, 2023

Ìpín péréte nínú àwọn aláìní tí ìjọba fojúsùn ni ó sẹ̀ṣẹ̀ gba owó ìrànwọ́ ẹgbẹ̀rún mẹ́ẹ̀dọ́ọ́gbọ̀n ní osù kan tí ìjọba se àgbékalẹ̀ rẹ̀

Akọ́ṣẹ́mọṣẹ́ nípa ètò ọrọ̀ ajé tí Báńkì Àgbáyé fún Orílẹ̀-èdè Nàìjíríà, Alex Sienaert ni ó fi ọ̀rọ̀ náà léde ní ìlú Abuja, nígbà tí ó ń sàlàyé nípa ibití wọ́n ba iṣẹ́ dé fún osù kejìlá ọdún 2023

Gẹ́gẹ́ bí ó se sọ, Ó sàlàyé èròńgbà ìjọba láti pín owó ìrànwọ́ ẹgbẹ̀rún mẹ́ẹ̀dọ́ọ́gbọ̀n fún osù mẹ́ta, fún àwọn tí ó kù díẹ̀ kààtó fún láwùjọ. Ó tẹ̀síwájú pé ènìyàn mílíọ̀nù kan àbọ̀ ni ó sẹ̀sẹ̀ gba owó náà nínú àfojúsùn mílíọ̀nù mẹ́ẹ̀dọ́ọ́gún ènìyàn tí ìrètí wà pé yóò jẹ ànfààní ètò náà

Ó tẹ̀síwájú pé ọ̀pọ̀lọpọ̀ àwọn ti ọ̀rọ̀ kàn ní kò ní ohun àmúyẹ èyí tí yóò mú wọn kojú òsùwọ̀n láti jẹ ànfààní owó náà. Ó wá pàrọwà sí àwọn tí ọ̀rọ̀ kàn láti se ohun tí ó yẹ, kí wọ́n le è jẹ ànfààní ìjọba.