Hope Uzodimma Jáwé Olúborí Nínú Ètò Ìdìbò Gómìnà- Soludo kíi Kú Oríire

By Yusuf Olaniyi On Nov 13, 2023

Gómìnà Ìpínlẹ̀ Anambra, Ọ̀jọ̀gbọ́n Chukwuma Charles Soludo, CFR, ti kí Sẹ́nétọ̀ Hope Uzodimma ti ìpínlẹ̀ Imo kú oríire fún ìjáwé olúborí rẹ̀ níbi ìdìbò gómìnà èyí tí ó wáyé ní ọjọ́ Àbámẹ́ta, ọjọ́ kọkànlá osù kọkànlá ọdún 2023 ní ìpínlẹ̀ Imo

Alákòóso ètò ìdìbò ní ìpínlẹ̀ náà, Ọ̀jọ̀gbọ́n Abayọmi Fasina ni ó kéde èsì ìbò náà ní òwúrọ̀ kùtù ọjọ́ Àbámẹ́ta níbi tí ó ti fi ìdí ìjáwé olúborí Sẹ́nétọ̀ Hope Uzodimma ti ẹgbẹ́ òsèlú APC múlẹ̀, níbi tí ó ti rí ìbò òjì-lé-lẹ́ẹ̀dẹ́ẹ́gbẹ̀ta ẹgbẹ̀rún, ọ̀ọ́dúnrún àti mẹ́jọ (540,308), tí Samuel Anyanwu, ti ẹgbẹ́ òsèlú PDP tí ó tẹ̀ lé e sì rí ìbò mọ́kànléláádọ̀rin ẹgbẹ̀run, ẹ̀ẹ́dẹ́gbẹ̀ta àti mẹ́ta (71,503).

Gómìnà Soludo wá pàrọwà sí Sẹ́nétọ̀ Uzodimma láti rí ìjáwé olúborí rẹ̀ gẹ́gẹ́ bí àseyọrí fún gbogbo ọmọ ìpínlẹ̀ Imo, Ó sì gbàdúrà fún ìkẹ́sẹjárí sá à ẹlẹ́ẹ̀kejì.

Hope Uzodimma Jáwé Olúborí Nínú Ètò Ìdìbò Gómìnà- Soludo kíi Kú Oríire

Leave a Reply