Àjọ UNICEF Pè Fún Dídènà Àrùn Rọpá-rọsẹ̀ Ní Ìpínlẹ̀ Kano

By Yusuf Olaniyi On Apr 23, 2025

Àjọ UNICEF ti ké sí ìjọba Ìpínlẹ̀ Kano láti gbé ìgbésẹ̀ ní kíákíá lójúnà àti dènà àrùn rọ́pa-rọsẹ̀ látàrí bí àrùn náà se súyọ ní ìpínlẹ̀ Kano

Asojú Àjọ náà ní Ìpínlẹ̀ Kano, Rahma Farah ni ó rawọ́ ẹ̀bẹ̀ níbi ìfọ̀rọ̀wérọ̀ lórí àrun rọpá-rọsẹ̀ tí ó wáyé àti àjẹsára gbogbo ìgbà síwájú ọ̀sẹ̀ àyájọ́ Abẹrẹ́ Àjẹsára ti àgbáyé

Ìfikùnlukùn náà wáyé pẹ̀lú ìjọba Ìpínlẹ̀ Kano àti Ìgbìmọ̀ Ilé ìwòsàn Alábọ́dé ní Ìpínlẹ náà láti se ìkéde tí yóò kẹ́sejárí kí àwọn ará ilu le è kópa nínú eto àbẹ́rẹ́ àjẹsára tí yóò wáyé láàrin ọjọ́ kẹrìnlélógún sí ọgbọ̀n ọjọ́ osù kẹrin ọdún 2025 èyí tí yóò se déédé pẹ̀lú àyájọ́ ọ̀sẹ̀ àjẹsára ti àgbáyé