Mínísítà Fún Iṣẹ́ Nàìjíríà Bú-Ẹnu-Àtẹ-Lú Ìwà Ìbàjẹ́ Ni Òpópónà Èkó Sí Calabar
Mínísítà fún Iṣẹ́ ní Orílẹ̀-èdè Nàìjíríà, Dave Umahi, tí bú-ẹnu-àtẹ-lú àwọn ìwà ìbàjẹ́ àwọn ènìyàn ní òpópónà Èkó sí Calabar, Ó sí kìlọ̀ pé ọwọ́ òfin yóò mú àwọn tó ń hu ìwà ìbàjẹ́ náà.
Mínísítà ṣe ìkìlọ náà nígbà àyẹwò iṣẹ rẹ̀ ní Èkó, níbití o tí sọ̀rọ̀ nípa bí wọ́n ṣe n gé àwọn ìrìn iṣẹ́ àkànṣe náà àti dídá àwọn ìdọ̀tí sí ojú òpópónà.
O dupẹ lọwọ Kọmíṣọ́nà Ọlọ́pàá Ìpínlẹ̀ Èkó àti Ọgá Ọlọ́pàá pátápátá fún ìgbésẹ̀ ààbò láti dáàbòbo òpópónà iṣẹ náà.
Umahi fí kún un pé Ilé-Iṣẹ́ Ìjọba Àpapọ̀ náà yóò pèsè epo àti owó láti ṣètìlẹ́yìn àti láti mú kí iṣẹ́ olùṣọ́ ní ojú ọ̀nà náà lágbára sí i.
Umahi ṣàpèjúwe gígé àwọn ìrìn ọgbà òpópónà náà àti dídá ìdọ̀tí sínú ihò ọ̀gbàrá àti ojú pópó gẹ́gẹ́ bí òun tí kò dára, ó sì tẹnu mọ́ ọn pé irú àwọn ìgbésẹ̀ bẹ́ẹ̀ yóò ba ìsapá ìdàgbàsókè orílẹ̀-èdè jẹ́.
Ó sọ pé a óò gbé àwọn ìgbésẹ̀ ìgbà díẹ̀ kalẹ̀ láti dí àwọn ihò náà àti láti dènà wíwọlé sí ọnà náà láìgbàṣẹ. Mínísítà náà tún sọ pé ìkún omi tí a ń dojúkọ ní apá kan ojú ọ̀nà náà jẹ́ nítorí ìdọ̀tí tí a dà sínú ihò ìdamínù.
Ó rọ̀ àwọn olùgbé àdúgbò náà láti dáàbò bo àwọn ètò ìṣiṣẹ́ gbogbogbòò náà kúrò lọ́wọ́ ìbàjẹ́ àti ìlòkulò.
