Ààrẹ Tinubu Pàṣẹ Láti Gbé Ẹ̀ka Àwọn Ọmọ-ogún Kán Lọ Sí Ìpínlẹ̀ Kwara
Ààrẹ Bola Tinubu ti pàṣẹ pé kí wọ́n gbé ẹ̀ka àwọn ọmọ-ogun kan lọ sí ìjọba ìbílẹ̀ Kaiama ní Ìpínlẹ̀ Kwara lẹ́yìn ìkọlù alẹ́ kan láti ọwọ́ àwọn oníjàgídíjàgan Boko Haram tó pa ọ̀pọ̀lọpọ̀ ẹ̀mí àwọn aráàlú ní agbègbè Worro.
Àṣẹ náà, tó ní yíyàn olórí tuntun nínú àti pápá ìbẹ̀rẹ̀ iṣẹ́ ológun. Ààrẹ sọ èyí nínú ọrọ kan ti Agbẹnusọ Ààrẹ, Ọ̀gbẹ́ni Bayo Onanuga gbé jáde.
Gẹ́gẹ́ bí ọrọ náà ti sọ, Ààrẹ sọ pé àjọ ológun tuntun tí a gbé kalẹ̀ tí a pe ní ‘Operation Savannah Shield’ yóò bẹ̀rẹ̀ iṣẹ́ láti kojú ìgbòkègbodò àwọn oníjàgídíjàgan àti láti dáàbò bo àwọn agbègbè náà.
Ààrẹ Tinubu tún pàṣẹ pé kí wọ́n rí i dájú pé àwọn olùgbé àgbègbè tí wọ́n kọlù náà rí ìtura lẹ́sẹ̀kẹsẹ̀ kí ó sì mú ààbò padà sí agbègbè náà.
Ní dídá ìkọlù náà lẹ́bi, Ààrẹ ṣàpèjúwe àwọn olùkọlù náà gẹ́gẹ́ bí aláìláàánú ọdaràn, fún kikọlu àwọn aráàlú tí kò ní òun ìjà lọwọ.
