Wọ́n Kọ̀ Láti Gbá’dúró Alátakò Ìjọba Ùgándà Kizza Besigye

Lẹ́yìn ọdún kan tí wọ́n ti mú un, ilé ẹjọ́ gíga orílẹ̀-èdè náà ti kọ̀ láti gbá òní’dúró alátakò Ìjọba Ùgándà Kizza Besigye kúrò nínú túbú.

Wọ́n ti fi ẹ̀sùn ìṣọ̀tẹ̀ kan Besigye nítorí pé ó gbèrò láti fi agbára mú ààrẹ Yoweri Museveni ti orílẹ̀-èdè náà kúrò.
‎
‎Nígbà tí wọ́n ń ṣe ìgbẹ́jọ́ nílé ẹjọ́, ó sọ́ pe àwọn ẹ̀sùn tí wọ́n fi kàn án jẹ́ tí inúnibíni.
‎
‎Ọmọ ọdún méjìdínlaadọrin (68) náà ti wà ní àhámọ́ láti oṣù kọkànlá ọdún 2024 nígbà tó sọnù ní Olúìlú Kenya, Nairobi.
‎
‎Àwọn amòfin kan sọ pé wọ́n ń kọ̀ láti gbá òní’dúró rẹ̀ àti tí àwọn olórí ẹgbẹ́ òṣèlú mìíràn ní Uganda; lára wọn ni Sarah Bireete, Olùdarí Àgbà ti Ilé-iṣẹ́ Ìjọba Tiwa-n-tiwa (Center for Constitutional Governance).
‎
‎Ìpinnu ilé ẹjọ́ náà wáyé ní ọ̀sẹ̀ díẹ̀ kí Uganda tó ṣe ìdìbò gbogbogbòò rẹ̀.
‎
‎Ààrẹ Museveni, tó ti wà ní ipò Ààrẹ láti ọdún 1986, ni a ń retí pé yóò jáwé Olubori nínú ìdìbò tó ń bọ̀, èyí tí yóò fún un ní ọdún márùn-ún mìíràn lórí ipò agbára.