Ìgbáyégbádùn Àwọn Dókítà Onímọ̀ Ìsègùn Òyìnbó Se Pàtàkì- Ẹgbẹ́ Àjọ Náà Tẹ́ Pẹpẹ ọ̀rọ̀

By Yusuf Olaniyi On Jan 3, 2024

Ẹgbẹ́ Àwọn Dókítà Onímọ̀ Ìsègùn Òyìnbó ẹka ti ìpínlẹ̀ Ogun ti fi ẹ̀dùn ọkàn hàn látàrí ìgbé ayé ìlekoko tí àwọn ọmọ ẹgbẹ́ àjọ náà ń gbé pẹ̀lú iṣẹ́ àsekúdórógbó látàrí iná mọ̀nà-mọ́ná tí ń se mọ́na-mọ̀na ní gbogbo ìgbà.

Alága Àjọ náà, Dókítà Azim Ashimi sọ pé àwọn ohun èlò ní àwọn ilé ìwòsàn gbogbo ni kò tó rárá èyí tí ó ń mú àwọn dókítà siṣẹ́ ju bí ó ti se yẹ lọ

Ashimi fi ọ̀rọ̀ náà léde fún àwọn akọ̀ròyìn níbi tí ó ti pàrọwà sí ìjọba àpapọ̀, ìpínlẹ̀ láti gba àwọn Dokita akọ́ṣẹ́-mọṣẹ́ àti àwọn olùrànlọ́wọ́ síṣẹ́, kí wọ́n sì pèsè àwọn ohun èlò àmúsiṣẹ́ tí ó péye fún ìdàgbàsókè àwùjọ