Awuye-wuye Ìpínlẹ̀ Rivers Ń Tẹ̀síwájú Èyí Tí Ó Mú Kí Àwọn Kọmísọ́nà Kọ̀wé Fipò Sílẹ̀

By Yusuf Olaniyi On Dec 15, 2023

Kọmísọ́nà Fún Ètò Ẹ̀kọ́ ní Ìpínlẹ̀ Rivers, Ọ̀jọ̀gbọ́n Prince Mmom ti darapọ̀ mọ́ àwọn akẹgbẹ́ rẹ̀ méjì tí wọ́n kọ̀wé fipò sílẹ̀ ní ìpínlẹ̀ Rivers

Mmom síṣọ lójú ọ̀rọ̀ náà pẹ̀lú ìwé tí ó kọ ráńsẹ́ sí ọ́ọ́fìsì akọ̀wé ìjọba ìpínlẹ̀ Rivers àti ọ́ọ́fìsì gómìnà ní Ọjọ́bọ̀, ní ìlú Port Harcourt

Nínú ìwe tí ó kọ ráńsẹ́, ó sàpèjúwe fífi ipò sílẹ̀ náà gẹ́gẹ́ bí ohun tí ó wá láti inú òun. Lára àwọn tí ó ti kọ̀wé fipò sílẹ̀ síwájú rẹ̀ ní kọmísọ́nà fún ètò ìdájọ́, Ọ̀jọ̀gbọ́n Zaccheaus Adangor, Ọ̀mọ̀wé Des George-kelly tí ó jẹ́ kọmísọ́nà fún iṣẹ́ òde, Emeka Woke tí ó wà fún àkànse iṣẹ́ àti Inime Aguma tí ó wà fún ìgbáyégbádùn ará ìlú.