Gbajúgbajà Ọdẹbìnrin Rí Àgbéga Lórí Ètò Ààbò

ÌRÒYÌN ÈTÒ Ọ̀GBÌNÌRÒYÌN ÌDÁRAYÀÌRÒYÌN ORÍLẸ̀-ÈDÈ NÀÍJIRÍÀ

By Yusuf Olaniyi On Dec 18, 2022

Akin obìnrin tí ó jẹ́ ọdẹ, Aisha Bakari ti rí ìyànsípò gẹ́gẹ́ bíi adarí àwọn ọdẹ tí ó gbógun ti ìgbésùmọ̀mí àti ìgbénipa, (Directorate of Hunting and Forestry of the Nigerian Hunter and Forest Security Services, NHFSS).

Arábìnrin Bakari tí ìnagijẹ rẹ̀ ń jẹ́ “Sarauniya Baka” ti kó ipa ribiribi níbi ìgbógunti àwọn alákatakítí ikọ̀ “Boko Haram” ní ilà oòrùn Àréwá ( North East) ní orílẹ̀ èdè Nàìjíríà.

Adarí àgbà àjọ HNFSS, ọ̀jọ̀gbọ́n Josua Osatimehin sọ níbi ìfọ̀rọ̀wérọ̀ rẹ̀ pẹ̀lú ikọ̀ agbóhùnsáfẹ́fẹ́ ti orílẹ̀ èdè Nàìjíríà wípé, àgbéga náà tọ́, ó sì yẹ fún akíkanjú obìnrin náà, fún ìgbìyànjú àti ìlàkààkà rẹ̀ nípa gbígbógun ti àwọn alákatakítí àti agbésùmọ̀mí.

Nígbà tí ó ń fi ìdùnnú àti ìdúpẹ́ rẹ̀ léde, arábìnrin Bakari sọ wípé, ìpinnu òun láti ṣe iṣẹ́ náà wá látàrí èrò rẹ̀ fún ìdáàbò bo àwọn obìnrin àti ọmọdé kúrò lọ́wọ́ àwọn ajínigbé. O sì gbé oríyìn fún àwọn ẹ̀ṣọ́ aláàbò fún akitiyan wọn.

Gbajúgbajà Ọdẹbìnrin Rí Àgbéga Lórí Ètò Ààbò

Leave a Reply