Ààrẹ Tinubu Dáwọ̀ọ́ Ìdùnnú Pẹ̀lú Gómìnà Tẹ́lẹ̀rí Fayẹmi Níbi Ayẹyẹ Ọjọ́ Ìbí Ọgọ́ta Ọdún

By Yusuf Olaniyi On Jan 24, 2026

Ààrẹ Bọla Ahmed Tinubu ti dunnú pẹ̀lú gómìnà Ìpínlẹ̀ Ekiti tẹ́lẹ̀rí, Kayọde Fayẹmi níbi ayẹyẹ ọjọ́ ìbí ọgọ́ta ọdún rẹ̀, ó sàpèjúwe rẹ gẹ́gẹ́ bí olùfarajì, olóòótọ́ tí ó ń lo ìgbé ayé rẹ̀ fún ìgbáyégbádùn ọmọnìyàn

Nínú ìfọ̀rọ̀léde rẹ tí ó wáyé ní ọjọ́ Àìkú, Ààrẹ Tinubu gbósùbà fún Fayẹmi látàrí iṣẹ́ ribiribi tí ó ṣe gẹ́gẹ́ bi gómìnà ní ìpínlẹ̀ Ekiti tẹ́lẹ̀rí àti fun Orílẹ̀-èdè Nàìjíríà lápapọ̀ àtipé ó se takuntakun fún ìsàfirinlẹ̀ ìjọba tiwa-n-tiwa tí ó wáyé ní ọdún 1999

Ó lu Fayẹmi lọ́gọ ẹnu fún àtìlẹyin tí ó se ati akitiyan rẹ síwájú, lásìkò ìpolongo ìbò, lásìkò ìdìbò sí ipò ààrẹ èyí tí ó mú kí òun jáwé olúborí nínú ìdìbò gbogbogbòò tí ó wáyé ní ọdún 2023

Ààrẹ wa gbàdúrà ẹ̀mí gígùn àti àlàáfíà tí ó péye fún gómìnà tẹ́lẹ̀rí náà