Ilé Aṣòfin Èkó fọwọ́ sí àwọn alákoso ìlú mẹ́ẹ̀dógún ninu méjìdínlógún tí Gómìnà fi ránṣẹ́ sí wọn lẹ́ẹ̀kejì.

Ile Igbimọ Aṣofin Ipinlẹ Eko labẹ Oludari wọn Aṣofin Mudashiru Ọbasa ti fọwọ si awọn alakoso –agba ilu mẹẹdogun ninu mejidinlogun ninu ipele orukọ keji ti Gomina Babajide Sabwo-Olu fi ranṣẹ si Ile Aṣofin naa .

Eleyii waye lẹyin ti Ọlọpaa Ile Aṣofin naa, Aṣofin Mojeed Fatai, ti o tun jẹ Alaga Igbimọ Tẹẹkoto fun ṣiṣe ayẹwo awọn eniyan naa ni kikun, tẹ́ abajade iwadii wọn siwaju Ile Aṣofin naa

Ninu ipade ijiroro Ile Aṣofin naa labẹ Oludari Ile, Aṣofin Mudashiru Ọbasa, awọn aṣofin naa kò gba Onimọ-ẹrọ Ọlalere Oduṣọtẹ ati Ọgbẹni Samuel Egube wọle.

Bakan naa, Ile tun sun fifi ọwọ si Ọgbẹni Tọlani Sule Akibu titi di ọjọ miiran.

Aṣofin Ọbasa gboriyin fun iṣẹ takuntakun igbimọ tẹẹkoto naa lati ṣe ayẹwo kikun lori awọn to fẹ gba ipo ilu naa.

Lara awọn ti Ile Aṣofin naa gba wọle ni:

Ọmọwe Afọlabi Abiọdun Tajudeen

Ọgbẹni Oluwaṣeun Oriyọmi Ọṣiyẹmi

Ọjọgbọn Akinọla Emmanuel Abayomi

Ọmọwe Oluwarotimi Omotola Fashola

Arabinrin Fọlashade Kaosarat Ambrose-Medem

Arabinrin Akinyẹmi Bankọle Ajigbọtafẹ

Arabinrin Bọlaji Celicia Dada

Arabinrin Barakat Akande Bakare

Ọgbẹni Olugbenga Ọmọtọsho

Ọgbẹni Moṣọpẹfoluwa George

Ọmọwe Yekini Nurudeen Agbaje

Ọmọwe Olumide Oluyinka

Ọgbẹni Abayọmi Samson Oluyọmi

Ọmọwe Iyabọde Oyeyẹmi Ayọọla

Aṣofin Ṣọla Shakirudeen Giwa.