Àjọ ECOWAS Pè Fún Níná Owó Kan Ṣoṣo Ní Iwọ̀ Òrùn Adúláwọ̀

ÌRÒYÌN ÌDÓKOÒWÒÌRÒYÌN ILẸ̀ ÀFÍRÍKÀ

By Yusuf Olaniyi On Mar 6, 2025

Mínísítà Fún Ètò Ìnáwó àti Gómínà Báńkì Àpapọ̀ àwọn Orílẹ̀-èdè àjọ ECOWAS ni ó ti pè fún ìdásílẹ̀ owó kan ṣoṣo fún àjọ náà èyí tí yóò se àmúgbóòrò ètò ọrọ̀ ajé àti ìgbáyégbádùn jákè-jádò Iwọ̀ Òrùn Áfíríkà

Ìpè náà wáyé níbi ìpàdé àpérò ẹlẹ́ẹ̀kẹkọ̀nlá irú rẹ̀ tí ó wáyé ní ìlú Abuja, olú ìlú Orílẹ̀-èdè Nàìjíríà

Ìpàdé náà sàgbéyẹ̀wò àbájáde àjọ náà lórí ètò ọrọ̀ ajé àti àwọn agbékalẹ̀ míràn tí ó se pàtàkì. Nígbà tí ó ń sọ̀rọ̀ níbi ìpàdé náà, minisita Ètò Ìnáwó ti Orílẹ̀-èdè Naijiria, Adebayo Ọlawale Ẹdun fi ìdí ọ̀rọ̀ múlẹ̀ pé, pípèsè owó kan ṣoṣo yóò se ìrànlọ́wọ́ fún ìdàgbàsókè ọrọ̀ ajé àti ìbásepọ̀ tí ó múná dóko fún awọn Orílẹ̀-èdè Iwọ̀ Òrùn Afirika