Ìjọba Ìpínlẹ̀ Ebonyi Gbégbá Orókè Nípa Ètò Ìlera- Akọ́ṣẹ́mọṣẹ́ Gbósùbà Fún Ìjọba

By Yusuf Olaniyi On Mar 14, 2025

Alága Ẹgbẹ́ àwọn elétò ìlera ẹka ti ìpínlẹ̀ Ebonyi, Chetachi Usulor ti gbósùbà fún gómìnà Ìpínlẹ̀ Ebonyi, Francis Nwifuru látàrí akitiyan rẹ̀ lórí ìdàgbàsókè ètò ìlera ní ìpínlẹ̀ náà

Usulor lu gómìnà lọ́gọ ẹnu látàrí ìgbàṣíṣẹ́ àwọn akọ́ṣẹ́mọṣẹ́ elétò ìlera tí ó lé ní ọ̀ọ́dúnrún, ó sàpèjúwe ìgbésẹ̀ náà gẹ́gẹ́ bí èyí tí yóò mú ìdàgbàsókè bá ètò ìlera ní ìpínlẹ̀ Ebonyi

Ó tẹ́ pẹpẹ àlàkalẹ̀ ìjọba láti se àmójútó ìtọ́jú àwọn ògo wẹẹrẹ àti àtúnṣe ilé ìwòsàn gbogbo èyí tí yóò mú àyípadà bá ẹka ìlera