Ikú Gómìnà Fa Awuye-wuye, Rúkè-rúdò Ní Orílẹ̀-èdè Congo

ÌRÒYÌN ILẸ̀ ÀFÍRÍKÀKÓKÓ INÚ ÌRÒYÌN

By Yusuf Olaniyi On Jan 26, 2025

Àjọ Ọmọ Ogun ti Orílẹ̀-èdè DR Congo ti ń gbìyànjú láti dáàbò bo ará ìlú nígbà tí àwọn ọmọ ogun ọlọ̀tẹ̀ fìdí múlẹ̀ ní ìlú Goma, ní Ọjọ́ Ẹtì, èyí tí ó dá ìfòyà, wàhálà sílẹ̀ ní àgbègbè náà

Ìbẹ̀rù-bojo ní àwọn ènìyàn àgbègbè náà wà, nígbà tí àwọn ọmọ ogun ọlọ̀tẹ̀ gba ìsàkóso ìlú naa, èyí tí kò ju kìlómítà mẹ́tàdínlọ́gbọ̀n lọ sí olú ìlú Orílẹ̀-èdè náà

Ìkéde ikú ọ̀gágun Peter Cirimwami tí ó jẹ́ Gomina àgbègbè Kivu ni ó tún bu epo sí wàhálà náà, èyí tí ìròyìn fi yéwa pé, ó fi arapa níbi rògbòdìyàn náà ní Ọjọ́bọ̀, ó sì papòdà ní Ọjọ́ Ẹtì. Èyí tí ó dá ìpayà sílẹ̀ láàrin àwọn ènìyàn ìlú Goma