Ààrẹ Tinubu Gúnlẹ̀ Sí Ìlú Accra Fún Ayẹyẹ Ìbúra Dramani Mahama

ÌRÒYÌN ORÍLẸ̀-ÈDÈ NÀÍJIRÍÀKÓKÓ INÚ ÌRÒYÌN

By Yusuf Olaniyi On Jan 7, 2025

Ààrẹ Bọla Ahmed Tinubu ti gúnlẹ̀ sí Ìlú Accra olú ìlú Orílẹ̀-èdè Ghana fún ayẹyẹ ìbúrasípò fún ààrẹ tí wọ́n dìbòyàn, John Dramani Mahama

Ààrẹ Tinubu gbéra láti pápákọ̀ òfurufú ti àgbáyé Muritala Muhammed tí ó wà ní ìlú Eko ní déédé agogo mẹ́rin kọjá ogún ìsẹ́jú tí ó sì gúnlẹ̀ si pápákọ̀ òfurufú Kotoka ní ìlú Accra ní déédé agogo márùn-ún kọjá ìsẹ́jú márùn-ún níbiti alákòsóo isẹ́ ààrẹ Orílẹ̀-èdè Ghana, Ọnọrébù Julius Debra ti gba àlejò rẹ̀

Nígbà tí ó wà ní ìlú Ghana, Ààrẹ Tinubu, tí ó jẹ́ alága àjọ ECOWAS yóò kọ́wọ̀ọ́rìn pẹ̀lú àwọn adarí Orílẹ̀-èdè Adúláwò míràn láti kópa níbi ayẹyẹ ìbúrasípò Mahama pẹ̀lú igbákejì rẹ̀ Ọ̀jọ̀gbọ́n Naana Opoku-Agyemang

Mínísítà kejì fún ọ̀rọ̀ Ilẹ̀ Òkèèrè, Arábìnrin Bianca Odumegwu-Ojukwu àti àwọn ènìyàn pàtàkì míran ni ó kọ́wọ̀ọ́rìn pẹ̀lú Ààrẹ