Akọ́ṣẹ́mọṣẹ́ Pàrọwà Sí Àwọn Ọkùnrin Láti Mú Àdíkù Bá Ọtí Mímu Lójúnà Àti Dènà Àrùn Jẹjẹrẹ

By Yusuf Olaniyi On Oct 23, 2024

Dókítà Chidiebere Ogo ti gba àwọn Ọkùnrin tí ó ti lé ní ogójì ọdún nímọ̀ràn láti jìnà sí àpọ̀jù ọtí mímu lójúnà àti mu àdíkù bá àrùn jẹjẹrẹ

Ogo, tí ó jẹ́ oníwòsàn àgbà ní ilé ìwòsàn ńlá ti Abẹokuta, ìpínlẹ̀ Ogun ni ó fi ìmọ̀ràn náà léde nígbà tí àwọn oníròyìn fi ọ̀rọ̀ wá a lẹ́nu wò ní Ọjọ́rú

Ó sàpèjúwe àpọ̀jù ọtí, ìgbé ayé ìdọ̀tí, àpọ̀jù ìbálòpọ̀ gẹ́gẹ́ bí ohun kan gbógì tí ó n fa arun jẹjẹrẹ ẹpọ̀n fún ọkùnrin

Akọ́ṣẹ́mọṣẹ́ náà wá pàrọwà sí gbogbo ènìyàn láti sàmójútó ilera arawọn, ìdárayé lóòrè-kóòrè, àti jíjẹ àwọn oúnjẹ asara lóore láti dènà àìsàn