Kòsí Ohun Èlò Ìtọ́jú Aláìsàn Ní Ilé Ìwòsàn Al-Shifa- Alákòóso Sọ̀rọ̀ Pẹ̀lú Ẹ̀dùn Ọkàn

By Yusuf Olaniyi On Nov 17, 2023

Ilé Ìwòsàn Al-Shifa ti ìlú Gaza, èyí tí àwọn ọmọ Ogun Orílẹ̀-èdè Israel se ìkọlù sí ni ó ti se àfẹ́kù àwọn oun èlò ìtọ́jú aláìsàn, tí àwọn aláìsàn tí ó wà níbẹ̀ sì ń kérora látàrí àìsí àwọn ohun èlò náà

Muhammad Abu Salmiya sàpèjúwe ipò tí ilé ìwòsàn náà wà gẹ́gẹ́ bí èyí tí ó burú jọjọ tí ó sì nílò ìgbésẹ̀ ní kíákíá lójúnà àti dóòlà ẹ̀mí àwọn tí ó ń gba ìtọ́jú níbẹ̀

Ìròyìn fi yéwa pé àwọn Ọmọ Ogun Orílẹ̀-èdè Isreal sì wà ní gbọ̀ngàn ilé ìwòsàn náà tí wọ́n dìmọ́ra ogun, wọ́n sì ń yin ìbọn léra-léra, ti wọn sì ń ba àwọn ohun èlò ilé ìwòsàn náà jẹ́, èyí tí ó mú kí ìbẹ̀rù-bojo máa sẹlẹ̀ níbẹ̀.