Gómìnà Bauchi gbé Mílíọ́nù mẹ́wàá Náírà sílẹ̀ fún àwọn olùfaragbà ọjà tó jóná

Eyitayọ Fauziat Oyetunji

ÌRÒYÌN ORÍLẸ̀-ÈDÈ NÀÍJIRÍÀÌRÒYÌN YÀJÓ-YÀJÓKÓKÓ INÚ ÌRÒYÌN

By Eyitayo Fauziat Oyetunji On Mar 12, 2023

Gómìnà ìpínlẹ̀ Bauchi , Bala Mohammed Abdulkadir ti kéde gbígbé iye owó Mílíọ́nù mẹ́wàá Náírà sílẹ̀ fún àwọn olùfaragbà ọjà tó jóná láìpẹ́ yìí,ní ọjà Múdà Lawal,ní ìpínlẹ̀ náà.

Muda Lawal, jẹ́ ọ̀kan lára ọjà tó tóbi jùlọ ní olú ìlú náà, tí àwọn ènìyàn ti ń pàdé lójojúmọ́ láti àwọn ìpínlẹ̀ mìíràn,fún kátàkárà.

Iná jó ọjà náà láàrin òru,tí ó sì jó àwọn ìsọ̀ léyìí tí ó mú wọn pàdánù ọ̀pọ̀lọpọ̀ Mílíọ́nù Náírà àti àwọn dúkìá tí kò ṣeé díyelé.

Gómìnà wá pinnu pé ìjọba yóò tún àwọn ibi tí iná náà jó kọ́ àti ìpèsè ohun ìtura ní kíákíá fún àwọn olùfaragbà láti tẹ̀síwájú àti láti padà sípò.

Gómìnà Bauchi gbé Mílíọ́nù mẹ́wàá Náírà sílẹ̀ fún àwọn olùfaragbà ọjà tó jóná