Ijó Jíjó Se Pàtàkì Nínú Ìgbé-Ayé Obìnrin

ÌRÒYÌN ÌDÁNILÁRAYÁÌRÒYÌN ORÍLẸ̀-ÈDÈ NÀÍJIRÍÀKÓKÓ INÚ ÌRÒYÌN

By Yusuf Olaniyi On Mar 5, 2023

Gbajúgbajà ajó bí òkòtò, Kaffy ti gba àwọn obìnrin nímọ̀ràn láti máa jó lóòrè-kóòrè.

O fí ọ̀rọ̀ náà léde nígbà tí ó ń sàlàyé ànfààní tí ijó jíjó ń se lagọ̀-ara, níbi ayẹyẹ ijó fún àwọn Obìnrin ti ọdún 2023, èyí tí ó wáyé ní ọjọ́ Àbámẹ́ta, ọjọ́ kẹrin osù kẹta ní ìlú Èkó. Kaffy tẹ̀síwájú pé, ijó jíjó máa n gbé ìrònù kúrò lára, ó maá ń mú ara jí pépé, ó sì máa ń jẹ́ kí ẹ̀yà ara ṣisẹ́ dára-dára.

Arábìnrin Kaffy tún sọ wípé ìlera lòògùn ọrọ̀ àtipé àwọn obìnrin nílò ìdárayá ní gbogbo ìgbà láti dènà àìsàn, ó wá gbàwọ́n níyànjú láti máa jó ní gbogbo ìgbà fún àlàáfíà ara àti ọkàn.

Ajó bí òkòtó náà parí ọ̀rọ̀ rẹ̀ wípé, ijó jíjó jẹ́ ọ̀pákùtẹ̀lẹ̀ ìgbe ayé rere, ìdùnnu, àlàáfíà ara àti ìgbáyégbádùn ẹ̀mí.