Take a fresh look at your lifestyle.

Mínísítà Orílẹ̀ Èdè Rwanda Tẹ́lẹ̀ Rí Fi Ẹ̀wọ̀n Jura Látàrí Ìwà Àjẹbánu

0 66

Ilé ẹjọ́ gíga orílẹ̀ èdè Rwanda ti ju mínísítà tẹ́lẹ̀ rí fún orílẹ̀ èdè náà  tí ó wà fún Àṣà àti Àmójútó àwọn Ọ̀dọ́ sí ẹ̀wọ̀n ọdún márùn-ún látàrí ìwà àjẹbánu.

 

Ìròyìn fi yéwa pé, wọ́n dá Edouard Bamporiki dúró lẹ́nu iṣẹ́ nínú osù kaàrún ọdún tí ó kọjá, wọ́n sì fi sí àhámọ́ nínú ilé láti le è ṣe ìwádìí tí ó peregedé látàrí ẹ̀sùn tí wọ́n fi kàn-án.

 

Lẹ́yìn-ọ̀-rẹyìn, Bamporiki jẹ́wọ́ ẹ̀ṣẹ̀ lórí ẹ̀sùn tí wọ́n fi kàn-án, Ó sì tọrọ àforíjì lọ́wọ́ Ààrẹ Paul Kagame, ṣùgbọ́n nínú osù kẹẹ̀sán ọdún tí ó kọjá, ilé ẹjọ́ dá ẹ̀wọ̀n fún un léyìí tí kò sì tẹ́ ẹ lọ́rùn.

 

Ní ọjọ́ Ajé ni adájọ́ ilé ẹjọ́ gíga ti ìlú Kigali dá ẹ̀wọ̀n ọdún márùn ún fun, kí ó le è jẹ́ ìkìlọ̀ fún àwọn akẹgbẹ́ẹ rẹ̀, gẹ́gẹ́ bí ó ti se sọ.

Leave A Reply

Your email address will not be published.